「政府連隱青係咩都未知」
政府針對隱青的支援嚴重不足，只有社署在一一年八月起，推行一項為期三年的網上青年外展試驗計劃，協助邊青及隱青，計劃到今年完結，屆時社署會委託一間大專院校進行獨立研究，評估成效。
惟社福界人士批評政府「大包圍」政策，「政府連隱青係咩都未知，以為畀錢就當係做咗嘢，你問佢有冇支援網癮、邊青、隱青，佢哋都係覆你同一樣嘢，根本冇了解隱青嘅興趣，及面對嘅困難係咩！」
有社工更表示，現時計劃的主要服務對象為邊緣及高風險青年。「部分隱青未必意識到自己面對甚麼問題，即使有問題，佢哋都只會同朋友分享，絕少會主動搵社工傾訴。」
「政府嘅目標係要隱青走番出嚟，即係『重投社會』，但對隱青生活模式毫不了解。」城市大學應用社會科學系博士後研究員陳康怡舉例，有隱青在家「代打機」賺錢。
