「購物天堂」是香港的金漆招牌，回歸十七年，這塊招牌如何？「美食天堂」也是香港的金漆招牌，近況又如何？

香港的確變化很大，與筆者八九年來到時大不相同。商店、商場變了，售貨員、侍應的專業水準、態度、敬業樂業精神也變了。個人經歷，請看：請問這款式有何功能？售貨員瞄一下回答：「就係咁多功能，仲想要乜？幾千蚊係咁上下。」請問好不好用？「冇用過，唔知喎。」那耐不耐用？返修率高不高？「幾千蚊貨仔唔通用成世咩，依家啲貨都係大陸出，大陸最叻造假，睇你好唔好命，命好用耐啲，命唔好有排煩。」我無話可說，取出尺寸問有沒有這個？「冇。」但我已度過是有的。「我話冇，你話有，咁你買啦，唔好搵我！」喂！我是來幫襯的，不是來吵架的，我認識你大老闆，不想為了買少少嘢去找他。如此一說，此人才有所收斂。

一氣之下，換了一家超級大公司，果然不同凡響。先是免費上門看，詳細講解，最後報價，但原本數千元就搞掂，竟要價三倍以上。天啊！這就是購物天堂？購物天堂的招牌塗上銅了，不用五十年便成了「購物荒堂」。

去點心專賣店飲茶，即點即做即蒸，令人滿意。可侍應送三次錯三次，經理告知是中五生，第一天上班不能批評，否則不等到下班就走，無奈啊！美食天堂的招牌也甩色。