高鐵工程延誤，港鐵行政總裁韋達誠於明年八月底約滿後不會續約，不過離任時可穩袋2,200萬鬆人，唔通孭鑊都有錢分？李衞去問吓港鐵高層先。

李衞：高鐵延誤同工程費超支，已經惹來各界不滿，你仲放生行政總裁？

高層：唔好意思，佢嘅離任同高鐵事件無關係。

李衞：無關係仲衰，咁邊個出嚟孭鑊？

高層：係呢件事上面，我哋已經三番四次道歉。

李衞：淨係道歉，相對懲罰呢？有冇呀？

高層：一味懲罰對件事無幫助，我哋首要盡快完成工程，等到2017年可以通車。

李衞：懲罰你哋又唔制，扣人工、捐錢乜都冇，只係識道歉，乜你哋真係知錯咩？

高層：真係好對唔住……

李衞：**#$@#$#@!!!講極都唔明！

第一手消息請下載on.cc東網iPhone/iPad/Android/Windows Phone Apps