SUN揭秘：樹記四哥 腐竹傳承
「樹記係我老竇辛苦打拚返嚟，真係好唔捨得，呢幾日都瞓得唔好。」
不甘父親心血白流，四哥孔祥佳於大埔另覓新址開舖，取名全駿記。
一眾街坊不捨樹記結業，仍前來買腐竹及打聽最新動向。
二哥（右）的一封律師信令六十多年的樹記突然結業，四哥（左）一時亦難以接受，兩兄弟親情不再。
樹記曾是一家人工作相聚的地方，如今此情不再。
兄弟決裂，六十年深水埗腐竹名店樹記於早前一場家族風暴中結業。身處風眼，細股東四哥孔祥佳直言，結業只因四月中突然收到二哥孔祥基通知，要手刃老店，「我都無諗過要執。」不甘父親心血一朝了，與多個親妹將開新店，「希望傳承阿爸嘅精神。」
「特登搵番樹記地磚，訂造一模一樣的櫃，希望盡量保留阿爸間店舖個樣。」四哥孔祥佳表示，為於大埔的新舖取名全駿記，亦是寓意貫徹父親精神全力向前邁進，即將開業。
惟來自深水埗店中一切，包括樹記之名，暫因法律問題，全都不能帶走取用。他黯然地說：「樹記係我老竇辛苦打拚返嚟，真係好唔捨得，呢幾日都瞓得唔好。」
擁有自置舖位，每日客似雲來，樹記結業來得突然，孔祥佳說自己都始料不及。他說：「四月中，喺店度做做吓嘢，二哥帶咗個陌生人嚟畀咗封信我，一打開見到寫住根據法例，突然要執咗間舖佢，仲要係半個月內結業。」
兄弟決裂拒合照
孔祥佳形容，當時二人已難有商討餘地，「二哥話好難同我溝通，要我搵律師同佢律師傾。」結業翌日，兩兄弟回老店執拾，曾一度同場。兩兄弟拒絕合照，彼此鮮有對話。孔祥佳終日愁眉，一直對外接洽生意的二哥則頻頻走出店外傾電話，當熟客來訪亦帶到老遠傾談，氣氛凝重。對於家事以至結業決定的緣由，二哥孔祥基選擇沉默，只謂：「我只想同伙記聚吓。」
去年，二哥於深水埗開新店「百年荳府」，被孔祥佳申請禁制令，禁止二哥出售與樹記同類的豆品，兩兄弟關係急轉直下。孔祥佳指：「之後新年都無一齊聚，其實喺第二代心中都有條刺。」
回看老店四周，孔祥佳嘆父親愛熱鬧重家庭，即使大家長大了，於周末亦常常叫眾子女於店內一同吃飯。他憶述：「阿爸走之前都叫二哥照顧我，又吩咐我好好幫二哥手，所以我一直都好信佢，諗住一場親兄弟，但點知最後會搞成咁。」
