殘國人真係無得頂，佢哋啲「殘國製造」，確是無堅不摧，所向披靡，無遠弗屆。

我老媽子是TVB的die-hard fans，即使由TVB變種為異獸CCTVB，佢仍忠心不二的每晚由七點半睇到十一點半，不轉台，只睇中文節目，幾十年如一日。

嗄！點知上星期一，當我返到屋企，一推門，老媽子便大叫：「喂！快啲幫我轉台轉台……快！」那時正播緊殘國製造的《西遊記》（第一集）。老媽子試過想轉台，只不過，她不懂新電視機的「機頂盒」，來去都見那無毛螢光怪好核突惡心的跳嚟跳去，並發出吱吱尖聲，極度討厭！

都話咗殘國人厲害，可令我家自有電視機以來，首次要轉頻道。仲有呀！老媽子話要我向「唔知邊度邊度」去投訴喎！

原來，我弟弟個BB女、兩歲唔夠的可愛小Lady，畀此劇的「妖精」嚇得哇哇嚎哭；當時佢哋喺一間酒家晚飯，全場小朋友都同樣嚇至魂飛魄散，喊個不停，酒樓經理要轉台，才能平息「動亂」！

你哋話，幾得人驚呢！

嗱！點解事隔成十日，我才在此「投訴」呢？哦！因呢十天內，香港有更多比《西遊記》還得人驚的事發生咗，要鬧的都鬧唔切呀！但極為孝順的我，見老媽子無劇集煲，真係心痛死矣！遂在此公開要求香港垃圾政府高層廢中之廢的蘇錦樑，你好拿拿臨先下令腰斬此劣質殘國孽種，兼快快發牌畀新電視營辦商，讓香港人有得揀，而非再用恐怖弱智的低能劇，愚化荼毒我們的智慧，及考驗我們的忍耐力。

無得揀，肯定會出事o架！瞓醒未？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps