SUN搞作：少膽虫手記：點包容呀？
少膽虫雙腳發抖，額冒冷汗，「腦細，我忍唔住要爆啦！」「忍住呀，你試吓諗住動呻吟啲片，分散注意力先。」淫賤黎回應。估唔到我少膽虫英明一世，都會遇到十萬火「急」嘅下場，終於少膽虫忍唔住，決定以一個排山倒海、一洩如注嘅方式就地解決！
「腦細，你有冇搞錯，喺公司周地放『金』，你叫人點頂呀？」少膽虫咆哮發洩不滿。手持《爛果》嘅淫賤黎毫無悔意，「晨早洩廢物，係人之所需，咁啱廁所壞咗，你叫人點忍？」少膽虫難敵臭氣，說話斷斷續續，「你早洩……廢物……都咪搞到人，行落下一層廁所要幾耐呀？」淫賤黎聲調轉高，模仿廣告，「我唔知呀，我五歲咋。你唔好搞喊我，包容吓啦！」
「屎」可忍，孰不可忍？《爛果》銷量跌唔見你包容、叫你加人工你又唔包容，依家仲叫少膽虫包容！「係喎，少膽虫，呢個月未出糧喎……」淫賤黎手上《爛果》用完即棄。
少膽虫一聽，無奈死忍，對人包容即係對自己殘忍，尤其嗰個係淫賤黎……
