香港總商會今年一如以往會喺五月二十九號請全港市民免費搭電車及來往尖沙咀、中環同灣仔嘅渡輪，總商會行政總裁Shirley袁莎妮尋日以一身便服宣傳「免費電車渡輪日」，佢話今年大約使二百萬元左右，預計有三十萬市民參與。不過，被問到點解唔將活動擴展至港鐵時，佢就顯得有難言之隱，話如果連搭港鐵都免費，費用就多好多喎！

袁莎妮一身便服宣傳「免費電車渡輪日」。

講起港鐵，總商會主席周松崗都係港鐵前總裁，仲有份睇住高鐵拍板興建，唔知佢對近日風波有乜意見呢？但偏偏尋日佢就冇現身記者會，同以往總商會有乜嘢活動例必撐場好唔同，唔通連佢都有意避開傳媒？Shirley就話當然唔係啦，只係周松崗太忙，先唔得閒出席，叫大家唔好諗咁多喎！政府就係太信港鐵，最終咪出事囉，有時唔可以怪人多心嘅。

第一手消息請下載on.cc東網iPhone/iPad/Android/Windows Phone Apps