SUN搞作：打橫嚟講：全港最好的政改方案，係……

一件非常簡單的小事，在沒有智慧的廢柴主導下，可以變成複雜過複雜的麻煩事。

香港小特區，在強勢崛起的祖國護蔭下，不好好享受祖國賦予的關懷，接受同聲同氣的內地同胞南來消費的救亡，竟反而處處玩對抗，係要自己公平公開公正、全民一人一票的選合乎國際標準定義的香港特首，硬係唔鍾意由阿爺欽點篩選的愛國愛黨人士，咁有乜謂呢？咪搞到益晒啲分狗糧嘅五毛黨四圍咬人囉！

咁鬼辛苦去爭取「真普選」，仲話「公民抗命」佔領呢度嗰度？為乜吖？唔通前世未試過畀胡椒噴霧噴咩！

在祖國阿爺眼中，香港地只是大中國境內一個小鎮，特首就係一個鄉長書記而已！只須聽話聽教便是！唔好搞咁多啦！但礙於向國際交代，話過畀你班港人有普選，咪做場大龍鳳應酬吓便算吧！嘿！點知有人當真喎！真吹Q脹！

徵求政改方案中，本人最愛由「全民在野黨」提出的那個，由童男童女以攪珠形式進行，這真是最好的！所以，我幫拖修訂：為表公平，任何一個有香港身份證的本地港人，都有資格被抽中做特首。

反正，邊個做，背後都由阿爺打骰o架啦！講衰啲，搵隻野豬做也無妨，請對祖國有信心啦！假雞蛋都做得出，何況一個傀儡？

我建議，為表忠心兼有強健體魄做特首，要先飲一飲童男童女的童子尿，清洗體內不潔淨的污穢思想！連咁都唔制，將來，點執行阿爺交託的重任？包括廿三條立法、普教中同國民教育……（下刪三千字），飲尿先啦！乖啦！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府