藝術活動都可以同慈善完美結合。香港大會堂貴賓室日前舉行咗個簡單而隆重嘅開幕酒會，事關法國五月邀得法國假聲男高音菲利沛．雅洛斯基與威尼斯巴洛克樂團聯合演出，作為今年藝術節嘅開幕節目，當日除咗有民政事務局副局長許曉暉等出席外，仲見到長青藝人劉兆銘，佢同法國駐香港及澳門總領事柏雅諾喺酒會上開心碰杯。

劉兆銘（左）與柏雅諾為藝術喜相逢。

今年藝術節獲得香港賽馬會鼎力支持，捐出多七百三十四萬元善款。而且馬會嘅贊助可以讓九千名青少年與各項視覺展覽及表演項目嘅專家接觸，親身體驗不同類型藝術，並從中學習，計劃亦會為經濟環境欠佳嘅學生提供超過二千張免費節目門票。

柏雅諾大力推介法國五月嘅活動，仲讚菲利沛．雅洛斯基係一位卓越非凡嘅國際級歌手。

第一手消息請下載on.cc東網iPhone/iPad/Android/Windows Phone Apps