立法會今日會恢復審議財政預算案近一千二百項拉布式修訂，有咗上次突襲流會嘅教訓，議會中人都小心翼翼，據講，建制派除原本排更表應戰外，仲準備再出招，要求主席及早剪布。不過，立法會主席尋日就講到明，由議會討論「剪布」準則係最適合做法，咁樣係咪你旨意我、我旨意你出招呢？

立法會依家都未能通過修改議事規則，原則上，議會只能繼續維持現狀。不過，主席都講到明，依家最唔理想嘅情況係有部分議員反對拉布，但呢批議員又唔願意承擔支持「剪布」嘅責任，令到事件無辦法解決，佢強調，議員需要向公眾負責。咁，立法會有冇參考其他地方議會嘅經驗呢？佢話，參考相關經驗後發現，其他地方嘅議會都係經過一段痛苦日子後，會按議事規則規定，有足夠多數嘅議員同意停止辯論，就應該停止。講嚟講去，又返番原點噃。

第一手消息請下載on.cc東網iPhone/iPad/Android/Windows Phone Apps