香港高鐵工程不單止超支、延誤，還有涉嫌官商勾結、隱瞞行騙、知情不報的種種醜聞，愈揭愈臭更愈有，遂引發公眾怒火，上街遊行抗議。點知，給了警方一個藉口，製造立威示惡的機會，向反高鐵遊行人士施放十一次胡椒噴霧。

在網上，看到香港立法會議員梁國雄在遊行事件中，被一個警員近距離（不足一呎半），兜口兜面向着眼睛部位狂噴胡椒噴霧，梁議員應已失去還抗力時，居然有一警員從後箍着梁國雄，再有另一差人手持噴霧閃出加入噴射，即兩支胡椒噴霧向一個立法會議員面部發射，有圖為證，大家可以上網覽閱。咁嘅暴力行徑，是變態？定係有特權呢？

按警方使用胡椒噴霧守則，要警告後，才在「兩呎」距離外使用，否則，便屬違反指引。

大家睇吓！身為執法的警員，竟可在眾多傳媒鏡頭下，特意喪噴一個知名的公眾人物，不顧法紀的做法，所為何事呢？

本人多次實地採訪大小遊行，好多時，警方諸多刻意製造事端，例如突然封路、截龍、收窄遊行路線，令交通擠塞、人車爭路，就係等有人沉不住氣，出言吵罵，甚至爭執和衝突，這些場面便被記者攝入鏡頭，當報道時，火爆的畫面，便讓沒在現場「見證」的人，感覺「好亂」，兼有危險，尤其是一些主張和平理性的市民，更心感不安！

而每次「衝突」後，各大小傳媒一定引述警方發言，說佢哋點樣啱晒，示威者點不守法，這便是「話語權」操控的偏頗囉！

今劑警方肆無忌憚「行兇」，就係話畀香港市民知，唔使出動解放軍，一群不顧道德的「紀律部隊」也能「清場」，所以，梁議員點投訴，那三件差佬都唔會燉冬菇的！

「七一佔中」，仲有無人敢行出來呀？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps