預算案個個都話要拉布，鬍鬚曾就真係要諗吓點應付，不過未到下次開會前，李衞就撞到鬍鬚曾，仲問候咗佢一輪。
李衞：財爺，呢排點呀？
鬍鬚曾：OK啦，都仲未有嘢搞。
李衞：聽講有幾份廁所工都冇人做……
鬍鬚曾：呢啲工種係難請人啲嘅……你係咪有興趣？
李衞：梗係冇興趣啦，不過覺得啱你去做啫！
鬍鬚曾：啱我做？我堂堂財爺要去做清潔？冇嘢好做咩？
李衞：你咪就係得閒得滯，踩過界講政改，所以我先介紹你撈埋廁所工，等你冇咁悶囉！
鬍鬚曾：唓，行開啦！
