SUN搞作：sun官場現形記：意見接受態度照舊
環境局局長星星，去屯門出席區會特別會議時，先畀人圍攻，後更因議員離席而流會，星星事後同議員檢討呢件事。
星星︰三堆一爐做諮詢，做咩要離席搞到流會呢？
議員︰諮詢咪即係假諮詢，唔離席抗議點得？
星星︰絕對唔係假諮詢，我係真心聽大家發言。
議員︰咁點解你又要亂咁硬闖關？
星星︰兩回事嚟嘅，諮詢還諮詢，闖關還闖關，意見接受，態度照舊，政府一向都係咁做嘢。
議員︰即係再傾都冇用啦！
星星︰哦，咁我明白喇。（星星揮手叫秘書）
星星︰同我記低「議員拒會面，責不在局長」。
議員︰!@#$$%%^&^&
