新民黨大搞嘅消息不絕，但急速擴張都有副作用，有人報料話新民黨雖然不斷有外人加盟，但同時亦爆發退黨潮，部分人仲係該黨嘅中委以至執行委員，原因係新人同舊人就上位問題爆內訌喎。亦有說退黨者主要來自新界西，反映該黨兩名副主席田北辰（田二少）同鄭承隆嘅內鬥轉趨白熱化，唔排除遲啲會有更多人退黨。
消息話，今次共有八人退黨，分別喺會員大會當日同前後幾日遞信，我哋向新民黨主席葉劉淑儀求證，葉太話的確有人退黨，但據佢所知總數只有三、四人，唔算得上係退黨潮喎。
