馬尼拉人質慘案發生至今足足三年零八個月，終得到菲律賓政府的道歉和賠償。不過，當時貴為特首的貪曾卸任前兩年間，與菲方交涉毫無寸進，白白枉嘥兩年時間。李衞得悉事件，決定去質問貪曾。

李衞：都係你啦，兩年都唔做嘢，搞到依家人哋至肯道歉！

貪曾：人哋唔肯道歉，我都冇辦法o架。

李衞：咁你學吓台灣強硬制裁呀嘛！

貪曾：咁樣會令香港與菲方關係唔好，唔係咁好嘅……

李衞：咁你點都要幫吓家屬o架，你咩都唔做，同無能有咩分別？

貪曾：我在任時好忙，唔得閒處理咁多嘢呀……

李衞：仲要賴忙！

貪曾：梗係貪吓小便宜、歎吓世界，唔通搞啲麻煩嘢咩……

李衞：死性不改，真係歎盡省港澳，貪盡海陸空！