早前都講過教育局前政治助理楊哲安嘅太太楊張新悅懷咗第三胎，懷孕四個月嘅佢，前晚仍然穿上四吋高跟鞋出席鞋履品牌活動，仲同設計師Charlotte Olympia Dellal親吻同埋合照添！

楊張新悅（左）同設計師合照。

楊張新悅話Charlotte都有三個小朋友，但仍然型格，所以當晚佢唔着大肚衫，但就穿上高跟鞋，因為唔想做煮飯婆。佢坦言未知腹中塊肉嘅性別，要五月先至知，但覺得一切已定，所以唔心急知道。

提到佢喺微博透露細女發燒，佢就話：「我已經喺佢隔籬瞓咗三晚，小朋友病會咳，我尋晚活動都無去，三晚我自己都頂唔順。本身都驚被傳染，但有人話大肚婆防疫能力好高。細女已經燒咗四日，原本要入院，但大女都試過燒七日，其實燒七日會自動好番，自己好抗拒小朋友食抗生素。」

第一手消息請下載on.cc東網iPhone/iPad/Android/Windows Phone Apps