以前做食物及衞生局局長嘅周一嶽，因為成日孭鑊，被嘲為「每周一鑊」，點知轉咗做平機會主席之後仲係繼續孭鑊。最近口舌招尤嘅周一鑊，早前表明要為《種族歧視條例》諮詢公眾，又抨擊由本土派發起嘅「驅蝗」行動，但日前佢又話依家歧視情況冇咁嚴重，認為政府毋須急於立法保障同族歧視，反口覆舌，唔怪得班議員鬧爆佢言論偏頗、信口開河，仲摧毀平機會嘅公信力喇！認真抵兜巴星。
