政府大力推廣環保，但環境局局長「星星」黃錦星搞親乜嘢都一鑊粥，最近由副局長陸恭蕙力爭每區設立一個環保站，擬耗資二千萬元興建嘅沙田環保站，預計喺今年運作，成為香港首個社區環保站，總算有啲起色，好過佢上司少少。之不過，環保站只係冰山一角，事關源頭減廢、「三堆一爐」嘅問題未解決，睇怕佢哋仲要花多啲工夫同氣力，去爭取立法會同市民嘅支持嘞！
