SUN搞作：少膽虫手記：莫耶斯，我撐你！

好多人話椰絲之死係得唔到球員認同，班友仔踢得唔開心所以作反。嘩！如果係咁，本虫咪一年炒十次？啲編輯仔對住我就打躬作揖，背住我咪一樣「少喇叭」。做領隊同做腦腫一樣，冇責任要你班友仔開心嘅！有糧出有飯食仲要求開心？食懵咗呀？

另一個說法就係話椰絲仔打壓功臣自招滅亡，呢個仲荒謬。做到我哋咁高位，唔打壓下面，容乜易畀人埋？所以椰絲仔同我諗法一樣，愈有料愈要坐冷板，識用人一定係咁用啦！

講到最入肉嘅死因，當然係成績啦，呢瓣亦正正係本虫最同情嘅地方。輸幾場波就炒魷？咁我《爛果》銷量日日輸，唔通要捉我凌遲？紅魔有乜板斧大家心照啦，就好似《爛果》啲編採咁，呃下飯食就得啫，今季想衝冠軍踢歐聯？開季有呢個想法已經大錯特錯！

莫耶斯，一句講晒，我撐你！