SUN揭秘：喱士照掀風暴
「當日我前面着得好密實，奈何香港人嘅接受程度太低。」年僅二十二歲，就讀城市大學的大學生Clary，因為一張喱士背部的偷拍照，引發軒然大波，有網民直斥她「博上位」，也有網民力撐「着得靚」。她留言「應機」，並親自撰文回應，希望事情告一段落，豈料再被傳媒報道。面對網民的人身攻擊，她選擇淡然看待，皆因她深諳網絡世界的文化–「認真，你就輸了」。
就讀城大的大學生Clary，因為一張喱士背部的偷拍照，引發軒然大波。
Clary被偷拍的照片，吸引逾三千多名網民Like，二百多名網民留言。
正值周末，Clary入睡之際，被朋友的短訊「震醒」，通知她的「喱士背部」被上載至CityU Secrets，「嗰陣先知畀人偷拍張相放上Secret，心諗『又嚟呀？』，不過自己有經驗，所以已經冇乜感覺。」她坦言，對同類事情早已見慣不怪，更笑稱「好彩次次都係影見得光嘅位咋。」
「你唔認都終有人認得出你，再加鹽加醋，倒不如及早承認。」網民群情洶湧，她毫不畏懼，在Status留言，承認自己是相中人，卻招來更多謾罵，有網民直言「無人叫你上堂穿得咁暴露，又要出嚟應機，同又要做雞又要拎貞節牌坊一樣道理」、「着到咁畀人偷拍都抵你啦」。她不介意被網民人身攻擊，惟她直覺「着到咁抵畀人偷拍」的想法及言論，更值得受到關注。
「點解我着得少啲，就抵畀人偷拍呢？」
Clary撰文「霸氣」回應網友指她的衣着「不自重」，「點解我着得少啲，就抵畀人偷拍呢？好似強姦犯上庭同個官講：『因為佢着得少，挑起我嘅性慾，所以唔係強姦。』真係好奇怪。」
這邊廂，一般人會直斥強姦犯；那邊廂，責難女性穿性感衣着「抵畀人偷拍」，作為「國際」大都會的香港，到底言過其實。
認識Clary的文學院教授更以她這次遭遇作為性別研究的教材，探討男與女在社會、文化觀上的不平等待遇，「原來香港女性，着件衫都要諗好多嘢，例如我會唔會引起人哋嘅性慾，畀人話你賣淫，甚至擔心被偷拍？」
事件更傳至海外，有在英國讀書的城大畢業生，與當地同學、教授分享呢件事件，他們都嘖嘖稱奇，難以相信事件能引起巨大回響。
她認為，兩性之間的生理差異，被放大成能力、思想上的差異，「叫女性唔好搞咁多嘢，表面上係為咗保護你，實際只係話你弱。」
一張喱士上衣的背部照片，透視出社會的規訓，Clary說：「如果一個小朋友鍾意着呢件衫，相信唔會有問題，但大個咗就接受唔到，到底我哋嘅目光畀咩嘢束縛住？」孩童的率真，隨年月流逝，何去？何從？
