政壇：「六四真相」內訌沒完沒了

李偲嫣話「六四真相」籌備委員會一開始已經要求成員以團體名義加入，又講明只有團體代表先可以喺記招當日上台發言，當時高達斌表明同意兩項安排，話自己會用個人身份加入。不過，唔知點解喺開記招前夕，高達斌突然要求其他團體畀佢上台講嘢，搞到大家以為愛港之聲有份籌辦「六四真相」，抽水抽到盡咁話。

佢之後愈講愈激氣，話如今有人形容事件係內部矛盾，擺明就係反口覆舌、出爾反爾，刻意抹黑佢同正義聯盟，又反駁對方投訴佢打壓嘅言論失實，「我想問邊個打壓邊個？如果我講嘅嘢有半句錯，我不得好死！」正義聯盟正考慮循法律途徑向高達斌追究，睇嚟件事有排都未能真相大白。