搵笨無賣點 一天團銳減
郵輪碼頭開幕初期，不少本地旅行社都組團一天遊前往參觀。惟記者近日視察，發現碼頭遊人稀少，於碼頭繼續「執漏」的工人遠比參觀遊客為多。旅遊業界透露，不少人都感覺碼頭「搵笨」，令一天遊的團數大減。
郵輪碼頭現今狀況令市民及遊客失望，一天遊的團數大減。
天台公園的窄上蓋設計有等如無，令遊客在烈日下被「乾煎」。
天台公園仍未有商店進駐。
天台公園廁所及花圃上蓋，部分位置疑有鬆脫迹象。
遊人怒轟
紀先生：嚟之前上網搵資料，都搵唔到可以用咩交通嚟，惟有搭的士。
蔡小姐：啲花冇人打理，全部爛晒又唔整齊，短期內唔會再嚟。
「初初知道郵輪碼頭開始開放，本地遊客都有期望，以為會好壯觀，但去過碼頭參觀嘅遊客反應都麻麻。」中旅社顧問顏尊廉表示，連接碼頭的交通方法少，業界於碼頭開放初期，特意辦「碼頭一天團」，以旅遊巴載遊客前往參觀，但若當天有郵輪泊岸，進入碼頭的旅遊巴要收取二百五十元落客費用，迫使旅巴要於外圍上落旅客，團友就要徒步行上公園。
「或者政府好多嘢做啦」
顏尊廉續稱，碼頭予人感覺較忽略本地客，未能打造成旅遊景點。新鮮感隨着時間而減退，加上去過的旅客對碼頭的觀感欠佳，影響口碑，令業界營辦一天團團數大減，「好多人去過覺得交通唔方便，上到去又見到好多嘢仲未搞好，都唔會有意欲再去多次！」
「開咗咁耐都搞唔掂，或者我哋嘅政府真係好多嘢做啦！」香港入境團旅行社協會主席謝淦廷表示，早前曾親身視察郵輪碼頭，發現「好多嘢都未完善。」他坦言，郵輪碼頭缺乏賣點，基本只能吸引本地團，難以成為景點，「好似我哋做東南亞、大陸生意，根本就冇興趣。」
謝續指，遊客來港「買嘢可以去廣東道，睇景可以去山頂」，郵輪碼頭「未到可以吸引遊客，只係遊客來港參觀嘅『踏腳石』。」謝認為，政府應盡快解決該處的配套問題，尤其要改善交通，吸引更多郵輪來港。此外，「除咗旅行團，自己（坐船）嚟香港旅行嘅（旅客）都會有，其實可以諗吓（商店）會唔會跟船期，或者廿四小時營業，咁啲遊客來到都仲可以買吓嘢，依家都唔知睇乜。」
