SUN搞作：少膽虫手記：創作最高境界

點知，淫賤黎輕輕一句︰「抓痕啫！」抓痕？講呢啲真係搵鬼信咩，「腦細，三色台戒備升級，我哋今鋪實要『趴街』，你仲喺度尋歡作樂？」少膽虫語重心長。「趴街？好哋哋做咩要趴街？」淫賤黎只顧整理長褲，懶望少膽虫一眼。「無嘢報，記者唔趴喺條街影走光相，宣淫販賤邊掂？」淫賤黎冷笑，「使鬼咩？」

少膽虫反寸，「腦細，唔通學你咁抓痕就得？」淫賤黎睥睨少膽虫，「我唔單止抓痕，仲影緊藝人『條條揈』嘅相。」「腦細，咪玩啦，間房得你同肥豪，仲邊有人？」少膽虫疑惑。「少膽虫你太年輕了，新聞可以作，相都可以作o架啫，肥豪條條揈，嗰樣打咗格咪係藝人條條揈囉！啱喇，少膽虫加埋你就可以整張藝人『格劍』相。」

少膽虫同肥豪相覷，心入面只有一個諗法︰「今次大鑊鳥！」