SUN搞作：SUN官場現形記：搵納稅人笨
俱樂部會所得政府以賤價批出靚地，連維修物業都要由納稅人找數，李衞火遮眼，即刻揪出負責官員指摘一番。
李衞︰有地唔起樓，仲要補貼人？
官員︰咁起樓要講配套，冇咗俱樂部會所，有樓住，居民都冇娛樂。
李衞︰但都唔需要納稅人畀錢維修！
官員︰要保育歷史建築，少少錢係要畀嘅。
李衞︰咁對納稅人唔公平，只可以畀錢睇人玩！
官員︰點會呢，納稅人都可以睇到珍貴嘅歷史建築。
李衞︰真嘅？咁我依家都可以即刻入去？
官員︰當然可以，前提係你擺低十幾萬入會費就得。
李衞︰@#$%%^^&&
