城中慈善機構換屆盛事一個接一個，日前輪到博愛醫院新一屆董事局正式履新，今屆董事局有好多新臉孔，為「博愛」帶來新動力。當日就職晚宴節目豐富，除有精湛二胡演奏，仲有可愛爵士芭蕾舞表演，歡樂氣氛高漲，賓主盡歡。春風吹，乍暖還寒，若要驅走寒意，一襲春裝應該大派用場。一個德國品牌嘅旗艦店喺中環登場，請來城中名媛淑女走進花花世界，感受今季最流行嘅花卉圖案。

博愛就職晚宴
淵源
博愛醫院副主席陳李妮（中）當年嘅嫁衣係由名設計師Noel（左）操刀，兩人感情要好。右為博愛醫院總理方俊文嘅太太Ivy。

贈興
開爵士芭蕾舞學院嘅博愛醫院總理趙家樂（後排中）安排學生表演助興，學院院長陳遠航（後排左）及院務總監余思韻都來湊熱鬧。

理想
香港青年聯會副主席黃夢瑩（左）打算號召年輕人，與博愛醫院新主席何榮添（右）齊齊搞活動。中為何榮添太太。

讚嘆
「二胡王子」王憓（左）表演拉二胡，博愛醫院總理趙瑤（中）及李豐年對佢嘅造詣讚嘆不已。

撐場
社交名人林建康（左起）出任博愛醫院永遠顧問委員會主席，太太黃寧艷、大仔孝勇、太太的家姐兼珠寶設計師劉黃寧達與夫婿劉守良現身撐場。

名牌春裝登場
分享心得
名媛陳曾麗娜（右）與好友Sue（中）及博愛醫院前總理王嘉恩嘅太太Pauline分享春夏季扮靚心得。

春日氣息
商人邱達昌嘅女兒邱詠麒穿上今季流行嘅花卉圖案長裙，散發春日氣息。

優雅性感
香港首位華人女騎師江碧蕙穿上喱士裙，優雅中見性感。

第一手消息請下載on.cc東網iPhone/iPad/Android/Windows Phone Apps