政壇：搞搞政：盧偉國再訪汶川見證重建

天災無情，人間有情。「五．一二」汶川大地震過去五年多，本港工程界仍然念念不忘，工程界立法會議員盧偉國（WK）透露，唔少曾經參與汶川重建嘅工程師，都有興趣想知道重建進展，而年輕工程師亦希望北上考察，所以佢同一班工程師計劃六月再訪汶川，希望見證汶川走出災難。

設計圖片及對白

不過，盧偉國話當地道路仍有限制，唔能夠安排太大嘅接載車輛，只能夠用一至兩架中型巴士，每部可接載二十幾人，即係考察團最多只能夠容許五十幾人出發。盧偉國話，本來去年都打算趁地震五周年前往當地視察，點知去年發生「四．二○」雅安地震，所以佢改咗去雅安同附近嘅蘆山。

復活節假期，唔少港人都外遊，盧偉國都曾經考慮趁呢個假期赴外旅行，佢嚮往法國美食，覺得購物方便，好過英國多多聲喎，但諗到要飛十幾粒鐘都係作罷。而且，立法會好快就展開預算案「拉布」戰，尋日見佢現身電台節目，睇怕都係留港溫書囉。