政壇：輸入外勞只做唔講？
「輸入外勞」近日又成焦點，雖然勞工界已擺出陣勢反對，但據聞政府、商界及勞工界三方已達成共識，大家喺輸入外勞問題上「只做唔講」，按現有機制繼續有限地輸入外勞，再慢慢增加限額。
由於部分行業包括建造業及安老服務等基層職業好難請人，所以政府開腔要輸入外勞，咁講，商界好開心，但勞工界就好氣憤。
由於雙方分歧太大，據聞政府同勞資三個方面都想隻眼開、隻眼閉，仲暗地裏達成共識，對輸入外勞政策嘅態度係「可以做，但唔可以講」，更加唔可以喺政府文件上寫明要輸入外勞喎。
不過，政府都會有啲行動，據聞除咗會逐漸放寬輸入外勞嘅審批程序，仲會慢慢加大輸入限額，只要輸入外勞唔張揚，勞工界就當睇唔到。但勞工界嘅憂慮，佢哋都唔敢忽略，亦唔容許喺餐飲業及服務業上輸入外勞，令勞工界可以安心啲。
