女神Crazy，大學畢業，年屆三十，自認美貌與智慧並重，可惜仍孑然一身，Crazy難耐寂寞，終於要尋覓介紹所幫助。

「小姐，我哋呢度咩類型嘅男士都有。」介紹員口沫飛橫。Crazy輕托下巴，一臉沉思，「我唔需要佢太靚仔，似方中信加古天樂就ok。」介紹員大獻殷勤，「有少少難度，但好彩我哋都有……」「啊！仲要戴眼鏡嘅，望落去會成熟穩陣啲。」Crazy插嘴。

介紹員拿出相簿，Crazy左揭右翻，似無人合眼緣，「小姐，唔啱心水？」Crazy再托下巴，「都唔係，只不過我覺得無一個夠醒目。嗱，我唔係話要似愛因斯坦咁聰明，但都要有少少smart，有時唔走精面就會畀人食咗！」介紹員忍無可忍，「咁使唔使要埋佢識歎呀？」Crazy眉飛色舞道，「有埋生活品味，咁就最好喇！」介紹員拿起照片，「呢個啱晒你要求！」

Crazy滿心歡喜一看，結果……「貪曾？倒貼我都唔要呀！」

第一手消息請下載on.cc東網iPhone/iPad/Android/Windows Phone Apps