城中鏡：陳細潔日陪愛犬兩粒鐘

虐狗虐貓事件不時可聞，好多愛寵物一族都感心痛，「鯊魚女」陳細潔係愛犬之人，但佢平時工作好忙，每日幾乎朝十晚十，不過佢話自己冇忽略愛犬：「我幾忙都盡量抽兩個鐘陪佢。」

陳細潔

講到近日又有虐貓事件，佢怒斥兇徒行為惡心，並說：「動物都係生命，外國有好多尊重動物嘅權益，香港政府應該做多啲宣傳。」其實，本港都有唔少愛護動物嘅組織，但唔知係咪虐待小動物嘅懲處唔夠重，加上尊重動物權益嘅意識未廣泛，所以罪行未減。希望更多寵物主人好似「鯊魚女」咁，每日都畀小動物兩個鐘頭時間啦。