政壇：搞搞政：侍產假委會成勞資戰場

呢條男士侍產假法例影響大，建制泛民兩方一早「吹雞」叫大量黨友加入委員會，尋日會議共有十八名議員報名出席，建制派佔十二人，計正有絕對優勢，點知KK出選主席時，竟然遭遇滑鐵盧以七票比八票飲恨。追查之下，發現原來十八名報咗名開會嘅議員，最終得十五個議員投票，其中兩名冇投票嘅議員包括建仔葛珮帆同蔣麗芸，而佢哋亦係建仔喺委員會內僅有嘅兩名代表，齊齊唔現身，點會冇內情呀，唔通佢哋都唔撐工聯會議員做主席？據了解，富貴黨認為侍產假呢個議題，無可能企喺打工仔立場，所以放棄建制派身份，都要「倒戈」支持梁繼昌。

有人指出，委員會主席無論係邊一個陣營做，其實對法案審議進度唔會有太大影響，反而係商界同勞工界嘅鬥法可能啱啱開始，所以尋日嘅投票結果，只能反映富貴黨有意賣個順水人情畀溫和泛民。