以前有人話過，大學教授只係喺學術象牙塔生活，但若然遇到日常生活實際需要，就自然要落地嘞！

雷鼎鳴喺灣仔電腦城附近問咗兩間寬頻商關於新屋上網問題，最後都睇唔啱。

話說財爺鬍鬚曾話要延長長遠財政計劃工作小組嘅研究，而成員之一嘅科技大學商學院副院長「雷公」雷鼎鳴當時就呻過話搞到佢周身都唔得閒。

咁啱我哋尋日喺灣仔電腦城附近遇到雷公同太太行緊街。咁得閒嘅？當時佢哋仲向放咗好多易拉架宣傳嘅寬頻商查詢。雷公透露，佢準備緊搬屋，所以趁有時間就處理新屋嘅寬頻上網問題，但似乎佢睇唔啱，問咗兩間寬頻商就走咗嘞。之後見佢兩公婆上咗電腦城，唔知係咪買網絡路由器（Router）呢？

第一手消息請下載on.cc東網iPhone/iPad/Android/Windows Phone Apps