愛護香港力量尋日喺灣仔港鐵站附近擺設街站，宣傳反對佔領中環行動，期間遇到「公民直接提名必不可少」聯盟發言人韓連山等人，亦喺同場擺設街站宣傳公民提名普選。嘩！兩陣營同場打對台，有乜嘢「依郁」，好容易擦槍走火喎！現場所見，有十幾個警員在場維持秩序，好彩雙方都各有各做，一直相安無事，無發生任何衝突。

愛港力擺設街站宣傳反對佔領中環行動。

愛港力行動召集人李家家透露，未來七個禮拜日會到全港各區擺設街站，仲會邀請「幫港出聲」發起人周融等人站台，發表對政改同反對佔中嘅意見。另外，佢哋亦會舉辦一連串展覽，希望透過教育宣傳反佔中嘅理念喎！

第一手消息請下載on.cc東網iPhone/iPad/Android/Windows Phone Apps