SUN搞作：少膽虫手記：菊花運動
「還我人權！還我『方便』舒服！」少膽虫帶領一眾《爛果》編輯，佔領壹全霉大樓。淫賤黎身在大樓前，卻有樓入不得，「少膽虫你學人搞太陽花學運，唔通你想顛覆我個全霉王國？」
「腦細，你為咗縮皮，喺廁所入面用《爛果》當廁紙，我依家坐都覺痛呀！」少膽虫邊含淚講，邊拎出菊花，「今日我哋就要發起菊花運動！流血都在所不惜！」誰知淫賤黎一手折斷菊花，「畀你哋用《爛果》當廁紙都仲唔滿意？咁鍾意流血，以後你哋用手指啦，到時好似爆谷咁爆，有排你哋流！」
「手指？！」折斷菊花落在地上，少膽虫緊繃作痛，「咁你就唔好怪我哋！」淫賤黎見勢色唔對，即轉口風，「總之邊個嚟我度，就有機會用番廁紙！」一個黑影由少膽虫眼前掠過，「腦細，我一路都企响你嗰邊。」勢估唔到肥豪咁香港仔。「肥豪，你可以用番廁紙。」眾編輯一聽即走去淫賤黎身邊，少膽虫自然唔執輸，「少膽虫，你唔係好威，要拎菊花搞對抗咩？」
「腦細，邊度有菊花啫？明明就係得香蕉……」
