夜深人靜，港鐵魔偷偷摸摸潛入沙中線地盤，嘴角含春，流晒口水，似乎佳人有約。剛入內，港鐵魔便將手輕輕伸進那座古井，面上露出奸邪的笑容。只聽到井中發出鏗鏘的金屬聲，叮叮咚咚，金澄澄的光茫照得港鐵魔笑得更加瘋狂。

「停手！」保安大叔卻被嘈醒，「你喺度做乜呀？風水佬又想掘窿呀？亂搞啲文物，我報警拉你o架！」港鐵魔立刻縮手，申辯道：「我係呢個地盤嘅老細呀！我嚟淘自己個古井咋！」

「自己淘自己？」保安聽到頭昏腦脹：「點解你要咁做？」「唉，無計啦！」港鐵魔慨嘆：「加價已經滿足唔到我無窮嘅欲望，現代人都避唔過我嘅魔爪喇，為咗唔畀自己貪得有厭，惟有向古人埋手啦……」

「咁你都幾可憐，之但係你偷自己地盤，左袋入右袋，有咩分別呢？」保安好奇問。港鐵魔從容回答：「咁政府都係港鐵大股東，咪一樣搶番市民錢？」

第一手消息請下載on.cc東網iPhone/iPad/Android/Windows Phone Apps