有男校考生喺文憑試，話隔籬位嘅都係女仔，以致緊張同令考試表現失準，今次又有第二樣嘢令考生失準，要搵教育局局長吳得掂投訴。

考生：唉，又有嘢滋擾住，搞到唔能夠專心考試！

吳得掂：唔係又關女同學事呀？

考　生：唔係呀，係間學校有跳蝨，一路考一路畀啲蝨咬，痕癢難忍，搞到份卷做唔完……

吳得掂：小小跳蝨就搞到咁，有冇咁誇張？

考生：你試吓畀蝨咬，咬到成隻腳都係！

吳得掂：咁你嚟得考試，即使面對跳蝨，都應該要冷靜面對，就當考你應變能力啫，點知你哋應付唔嚟o架！

考生：事實係間學校唔做好防蟲措施，仲賴我哋應變唔夠快，我嚟考試o架，又唔係嚟學求生技能！

吳得掂：試場如戰場，求生也！

考生：％＊︿＠＃！︿＆＠！！

第一手消息請下載on.cc東網iPhone/iPad/Android/Windows Phone Apps