深水埗怪客呃靚女剝黑絲
「你對絲襪裏面有蜈蚣呀，快啲除咗佢！」深水埗驚現向短裙少女呃黑絲襪的變態怪客。變態怪客於上月某日深夜，於一幢大廈梯間截停一名歸家的二十多歲少女，繪影繪聲指對方身穿的絲襪內有蜈蚣，少女大驚急忙脫去及拋棄絲襪，然後迅即奔跑回家，豈料怪客此際乘機取走黑絲，不知所終。少女情緒大受困擾，至今仍未平復，正考慮報警求助，她亦於社交平台大吐苦水，事件迅即廣傳，已令在深水埗居住的女士人心惶惶。
事件重組
歸家（設計圖片）
被截（設計圖片）
棄襪（設計圖片）
有網民直斥該名男子是色狼。（互聯網圖片）
變態！
陳小姐（大學生）：「陌生人無端端藉機叫人除絲襪畀佢，行為好變態。」
蘇小姐（教師）：「遇到呢啲怪人，一定會即刻走，再喺社交網絡呼籲朋友小心。」
怪客全程（目及）實
「我嗰晚十點幾，步行返深水埗嘅屋企，經後巷上樓，冇諗過會畀個男人跟，仲畀佢喺樓梯截停！」阿麗（化名）上月某日深夜乘巴士到桂林街落車，步行返回位於唐樓的寓所，但行至低層梯間，被一名年約五十歲、頭髮斑白、戴金絲眼鏡、中等身材的男子截停，「佢同我講：『喂、喂，小姐！你對絲襪入面有條蜈蚣呀，快啲除咗佢！』」
阿麗最初以為對方好意提醒，她禮貌回應：「我仲有幾步路就返到去，唔使啦！」該名男子即說：「快啲除啦！如果再遲啲，唔知條蟲會捐咗去邊o架！我都係為你好啫。」
阿麗聽見對方形容得繪影繪聲，心中一寒。「我好怕蜈蚣，覺得好驚，咪打算除咗對絲襪出嚟。」阿麗日前向記者憶述事件時，仍心有餘悸。「個男人距離我唔夠兩米，係咁望住我，我要求佢擰轉面，佢口頭答應但未有動作。」阿麗直言對方行徑古怪，但又怕不依從，對方可能有進一步行動，惟有要求對方先後退數步。
攞走絲襪即閃
阿麗急忙脫下一對絲襪，查看下雖沒發現蜈蚣，但也很怕，即時將絲襪拋棄梯間準備離開時，「估唔到佢突然攞走絲襪，衝落樓走咗。」她返回寓所後才驚覺被騙，「我愈諗愈驚，都唔知佢拎走我對絲襪之後會做咩。如果我除緊絲襪嗰陣時佢突然撲埋嚟，我都唔知點算好！」
連夜失眠，阿麗的情緒大受困擾，「嗰陣太驚，冇即時報警，唔知係咪真係有蜈蚣，而且佢又冇侵犯我，擔心就算報咗警都唔會受理，不過依家都係諗住報警。」事後，阿麗於社交網上大吐苦水，懷疑該名中年男士意圖不軌，事件旋即引起網民熱烈討論，有網民直斥「條友肯定有問題啦，唔係點會走咁快！」「話唔定佢將對絲襪私人珍藏呢！」
城市大學犯罪學副教授黃成榮指出，女士在陌生人面前脫下衣物，有可能激起對方性慾，增加被侵犯的機會。執業大律師陸偉雄表示，若證實絲襪內沒有蜈蚣，該名中年男子有可能犯上遊蕩罪，最高刑罰為監禁兩年。立法會議員麥美娟及婦女權益聯盟副總幹事伍婉婷亦直斥，該名男士行為變態，對女士構成騷擾，要求警方加強巡邏及執法。
警方呼籲，市民懷疑受侵犯時，應保持冷靜，保護自己及盡快向警方求助。過去三年，深水埗警區接獲共二百六十七宗涉及女性受害人的非法案件。
