SUN焦點：「雪牌」一年才揸車更危
運輸署於二○○○年引入暫准駕駛執照計劃，鼓勵新牌司機更小心駕駛，有資深駕駛師傅卻認為計劃實施十四年來，對改善道路安全無幫助，有部分司機會因避免遵守計劃，而自行「雪牌」一年後才駕車，埋下更大危機。
被檢控的暫准駕駛執照持有人
暫准駕駛執照計劃原意是為新牌司機提供過渡期，讓他們在受制的環境下駕車。計劃實施初期只覆蓋電單車及機動三輪車，及後因新牌私家車及輕型貨車司機涉及意外率較高，故當局於○九年將計劃擴展至私家車及輕型貨車。但教車超過四十年的羅師傅表示「P牌」作用不大，「司機唔會掛P，好多寧願雪個牌一年先揸，新牌本身已經欠路面經驗，等多一年仲生疏，仲易發生意外。」他又說：「真係揸緊車，好難話佢係P牌就住佢，分別最後只係出事時知道係新仔炒車。」
