香港樓價高企，有80後轉戰日本買樓，一圓業主夢。但長此落去，年輕人對香港歸屬感必定大減，於是李衞就同運房局局長炳炳傾吓。
李衞︰80後要去日本買樓，你知唔知咁代表咩。
炳炳︰代表日本樓好平？
李衞︰係代表香港樓好貴呀！
炳炳︰80後唔應該諗住一出嚟做嘢就買到樓，做多幾廿年先講喇！
李衞︰幾廿年得唔得呀，我驚做到死都未買到！
炳炳︰放心，我估應該得嘅。
李衞︰死咗都仲買到樓，唔係啩……
炳炳︰邊個話唔得，依家陰宅唔係樓咩？
李衞︰咁都得？！
