城中鏡：郭慶彬捱到殘 醒悟健康重要
復活節就快到，唔少打工仔已經計劃同準備緊偷閒抖一抖。星級造型師Ricky Kwok（郭慶彬）尋日出席一個活動時就透露，工作太忙，已經三年冇放過假休息，唔知係咪過於搏殺，早前身體都響警號，令佢醒悟健康嘅重要。
郭慶彬話佢三年冇放過假。
Ricky話佢喺米蘭同巴黎時裝周返港後，就不停咁做嘢，依家常備醒神藥油傍身。享受工作樂趣嘅佢話，工作並冇加價，而佢成日想將工作做到最好，結果就辛苦到冇時間休息同食嘢，加上有工作壓力，早前有次開騷，活動前十五分鐘，佢忽然之間感覺成個人天旋地轉，嚇咗一跳之後，Ricky好謹慎咁話：「依家發覺健康最重要！」
