城中鏡：華裔美女「星探」撻着Dropbox教主
美國IT界再多一名才貌雙全嘅明星！佢就係芳齡二十八歲嘅程冊冊（Cece Cheng），佢唔止幫創投基金物色初創公司嘅投資者、做「星探」好出色。依家佢仲同Dropbox嘅創辦人休斯敦拍拖，有可能同呢位身家六億美元嘅科網富豪拉埋天窗！
程冊冊係紐約創投界少見嘅美女級「星探」。旁為其男友。（互聯網圖片）
程冊冊讀大學嘅時候創辦The Dorm Room Fund（大學生寢室基金），喺大學裏面物色咗好多具發展潛力嘅初創公司，幫公司First Round Capital賺唔少，話佢獨具慧眼，真係完全無誇大。紐約創投界嘅女性已經少，華裔美女就更加「稀有」，所以程冊冊相當受矚目。而多才多藝嘅程冊冊唔止識玩投資，大學主修政治及國際關係嘅佢之前做過公關，精通廣東話、英文、西班牙文同法文，真係又靚又叻。
話時話，Facebook嘅創辦人朱克伯格都娶咗個華人太太Priscilla Chan，華人女性吸引力真係頂呱呱。
