電視劇中急症室醫生要「on call」三十六小時，原來在渠務署工作亦要隨時候命，機電工程師岑啟邦早年被委派接管馬灣污水處理廠的「爛攤子」。岑啟邦破例讓區內居民親身視察改善工程，三年來幾乎二十四小時候命處理投訴，成功在三年內極速解決臭味問題，工作態度不但贏得居民讚許，去年更獲申訴專員頒發公職人員大獎。

岑啟邦為處理馬灣污水處理廠工作曾二十四小時「ON CALL」，最後污水廠成功「除臭」，並獲市民讚賞。

馬灣污水處理廠由私人發展商興建，其後由渠務署接管。因沉澱池系統出問題，污泥氣味嚴重影響附近私人屋苑，岑啟邦○八年奉命接手這「燙手山芋」，「有居民會將臭味歸咎於我哋，叫我哋密封咗個廠，甚至成幢搬走」。

當局於一○年五月接收污水廠，隨即加快改善工程，岑啟邦亦每季在屋苑內公布工程進度，主動帶領業委會視察工程，即使面對居民無理要求，他仍耐心安撫，「以往有居民打嚟，一講就講成個幾鐘，有時假日打算陪太太仔女去沙灘，但投訴電話一嚟就要返馬灣處理，好彩屋企人諒解」。

在岑督導下，改善工程僅花三年完成，較一般快兩至三成，岑笑言：「最近有以前成日投訴嘅居民打嚟，我睇到來電都驚一驚，原來佢係打嚟多謝我哋，幫到手我都好開心。」

第一手消息請下載on.cc東網iPhone/iPad/Android/Windows Phone Apps