政界對二○一六年立法會選舉各有部署,早前有傳上屆選舉成功殺出重圍,由功能組別轉戰九龍東直選嘅謝偉俊(Paul)有意染指超級議席,所以未來會先進軍區議會選舉。最新消息係,阿Paul暫無意問鼎超級議席,除非被人逼走,否則都會留喺九龍東繼續作戰喎。

謝偉俊

阿Paul上屆選舉獲有勢力人士力捧,多名建制派地區樁腳突然發功為佢拉票,最終成功送佢入局。最近有消息傳出阿Paul有意轉戰超級議席,原來都係項莊舞劍,意在沛公,呢啲消息唔多唔少同九龍東嘅勢力分布有關。

若阿Paul真係問鼎超級議席或轉戰其他選區,最大得益者一定係九龍東嘅建制派,例如觀塘區議會主席陳振彬及副主席蘇麗珍,唔通係有心人想阿Paul離開九龍東?據聞操盤人已就一六年立法會選舉嘅超級議席作出初步協調,真命天子唔係阿Paul,至於係邊個,留待下回分解。

第一手消息請下載on.cc東網iPhone/iPad/Android/Windows Phone Apps