香港現處於中港矛盾激烈的時刻，只要稍有「大陸味」的事物，尤其是低劣的文化，足讓港人氣憤和不滿，這顯淺的現象，竟沒令香港特區內的各級「領導」警醒，相反的，卻不斷增添大陸化的反智文化，香港又怎會安寧呢？

政治層面，充斥着大陸黨員假學者的廢話，好似香港殺咗佢哋祖宗般咁要置香港特區於死地才甘心似的，說甚麼要將第三獨裁國家的《國安法》適用在香港等等白癡講法，真係「正poor guy」佢囉！可惜，香港一眾政府高層（尤其係林鄭）卻不敢回應，直斥其非，任由此惡毒禍港主張，流入坊間，增加港人怨氣。緘默的首長級官員怕得龜縮暗角，便令那些扮晒代表的賤精狗噏亂法也！你班所謂「人民公僕」，叫我等小市民點信你哋可捍衞香港法治，帶領香港邁進民主普選的新天地呢？

經濟方面，香港廢柴政府更面目可憎，說乜Q「港人港地」或「雙辣招」，話打擊地價，助港人優先置業，講到大家安居樂業，前景美好；家陣，不消兩年，又鬼鬼祟祟，重蹈老董八萬五後塵，唔提即當不存在。呢頭死撐「港人港地」未收皮，嗰頭又另興波作浪，要計劃搞個「人工島」，假大空當香港人白癡嘅！最的係，那個離羅湖橋遠一遠的「離島」，係用嚟建大型商場，吸引更多大陸客來港，作「橋頭經濟」發展喎！真怕中港矛盾未爆煲呀？

今天香港，藥房多過米舖，甚至誇張過舊時砵蘭街的「一樓一」，全港藥房成行成市，統統只係「服務」內地蝗蟲的，香港人連食串牛雜都不成，再咁落去，真係會「出事」o架！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps