城中鏡：名人動筆畫出美麗世界
近年香港掀起跑馬拉松熱潮，有品牌就以「Drawing for a Better World」為題，舉辦全港首個「Art Marathon畫畫馬拉松」慈善繪畫活動，更邀請咗享譽世界嘅藝術家James Jarvis以「畫畫馬拉松Art Marathon」為主題設計Pop-up Store。
James Jarvis（左）同鄭兆良齊參與慈善繪畫活動。
James Jarvis 聯同包括時裝設計師鄭兆良同趙式芝等四十一位來自唔同界別嘅名人、明星、藝術家同插畫師，率先到Pop-Up Store繪畫，攜手繪出佢哋心目中嘅Beautiful World。佢哋嘅畫作將會展示喺Pop-up Store內供大眾欣賞，希望藉此呼籲全港市民參與，繪畫嘅圖畫將會喺京士頓街、百德新街同加寧街拼湊出長達一百九十五米嘅馬拉松圖畫跑道，為街頭多添一份正能量同藝術氣息。
該品牌又話，全港市民嘅作品將會成為「Art Marathon畫畫馬拉松」跑道嘅一部分，每當參加者完成一幅作品，該品牌將捐出十蚊予綠色力量，呢次慈善活動目標係籌得五十萬元為推動環保加油。
