聽聞教育局局長吳得掂好鍾意外訪，都唔知佢點做官嘅，身在這裏，心在外地，點樣做好呢份工呢？李衞實在睇唔過眼，去搵吳得掂傾吓偈至得。

李衞：聽聞局長你好鍾意外訪旅遊喎！

吳得掂：唔好咁講，工作需要嚟嘅……

李衞：上任短短一年半，已經去咗十三次！

吳得掂：係咩？我都唔記得次數喇……

李衞：你去得咁密，又使咁多公帑，其實啲外訪同教育有冇關係呢？

吳得掂：梗係有啦！我次次外訪都好有價值同有用o架！

李　衞：唓，你明明係教育局局長，教育嘅嘢就立立亂，自己就掛住去「遊埠」，不如你做旅遊局局長好過喇！

吳得掂：傻嘅，你冇聽過「讀萬卷書不如行萬里路」咩？我去外訪都係增廣見聞，做好教育局局長一職！睇嚟要飛多啲，學多啲就差唔多！

李衞：＆％＾＃＠＄＠！！！

第一手消息請下載on.cc東網iPhone/iPad/Android/Windows Phone Apps