身兼時裝連鎖店老闆嘅立法會議員田北辰（田二少），近年努力開拓中港兩地生意，最近我哋翻查立法會議員個人利益登記冊，發現田二少上月中忽然申報放售馬來西亞兩幅共約九萬平方呎嘅工業用地，唔通佢喺服裝生意之外，仲環球性進軍房地產？

設計圖片及對白

原來田二少前年上任之後，呢兩幅地皮一直都報稱持有，點解近日放售？田二少解畫話，原本兩塊地想用嚟做貨倉，可惜旗下時裝品牌搶攻馬來西亞市場多年，除咗首都吉隆坡生意比較旺之外，其餘檳城、怡保嘅生意都相當麻麻。

雖則話田二少因生意黯淡而賣地，但兩幅地最後居然帶挈田二少「因蝕得賺」。佢透露，地皮買落至少十幾年，平均每年升值逾一成，咁計法田二少賣地嗰刻最少有一倍斬獲喎。佢笑言價錢「OK啦」，但就強調當初買地完全為咗自用，冇諗住投機o架！

第一手消息請下載on.cc東網iPhone/iPad/Android/Windows Phone Apps