政壇：施榮恆帶隊探東華義莊
東華三院董事局成員按習俗，於清明節拉大隊到旗下祠廟參觀及拜祭，地點包括廣福祠、文武廟、東華義莊及靈灰安置場。負責帶隊嘅新一屆主席施榮恆話，每年董事局都會有幾次巡視院屬活動。
一眾總理參觀東華義莊後，發現義莊並唔係電影描繪得咁陰森。
位於大口環道九號嘅東華義莊原址位於西環牛房義山，全盛時期寄存靈柩數目超過六百具、骨殖八千副，有電影亦曾於該處取景。唔知係咪受電影影響，好多人都以為東華義莊陰森恐怖，但其實只係電影拍攝效果。副主席王賢誌話，做咗幾年總理，已經嚟過義莊幾次，可能舊址因為破舊而略顯陰沉，但新址經過修葺後簡潔莊嚴，加上清明時節前往祭祀嘅人好多，人氣較旺，並唔係大家想像中咁得人驚。第一副主席何超蕸加入東華三院之後，好快就已經融入呢種東方文化同傳統。
