讀藝術未必一定要投身呢行，大學時主修Fine Art嘅富得拍賣行有限公司主席莊家蕙就係一個例子，佢出席一個展覽開幕禮時透露，細個已開始繪畫，但就冇諗過做藝術家，咁佢會唔會開個人畫展？佢就話：「畫作都有啲，畫得好唔好就見仁見智，等我畫多啲先啦！」

莊家蕙雖然冇諗過做藝術家，但至今仍不時作畫。

佢話父母都有收藏藝術品，所以佢細個就對藝術感興趣，大學亦主修呢科，但被問及有冇諗過做藝術家，佢就好坦白：「冇喎！我很幸運可以喺外國修讀藝術，創作過程很有趣，不過依家投身社會工作，就變成唯一興趣。」雖然係咁，佢都好留意藝術界嘅發展，話香港有很多潛能藝術家，需要人支持。

第一手消息請下載on.cc東網iPhone/iPad/Android/Windows Phone Apps