今個月十七日復活節前夕,「玩具大王」蔡志明女婿John馬鴻銘及囝囝Karson蔡加讚將帶五百幾名青年到廣西柳州交流,今次唔係包機或坐巴士,而係到深圳搭專列火車直奔柳州,車程約十四小時,夠晒特別。

馬鴻銘(中)帶隊上廣西,劉文文(左)同秘書長林亨利(右)都係團友。

呢個名為「共和國之旅—桂港青年共築中國夢」廣西專列團,係由九龍社團聯會等九個團體合辦,阿John做會長嘅青年議會有份合辦,所以由佢帶隊做團長,副團長包括九龍樂善堂前主席Lisa劉文文同Karson。阿John同Lisa都話咁大個人未試過搭咁長途火車,當日開車時間係晚上八點鐘,即會喺車上過夜,所以好興奮,阿John會帶埋太太蔡加敏一齊去,仲打算成晚唔瞓覺。不過,貪靚嘅Lisa就話一定要瞓,唔係翌日一對熊貓眼點見人喎!

講起Karson就嚟做爸爸,阿John都戥舅仔開心,仲諗起自己第一次做爸爸時一樣好開心。至於送乜嘢畀BB,佢話仲有大把時間慢慢諗。

第一手消息請下載on.cc東網iPhone/iPad/Android/Windows Phone Apps