香港廢柴政府成日講大話,玩語言偽術,不停話「源頭減廢」,但係那些廢柴高官,卻個個月出糧,日日叫香港蒙羞!

香港廢柴政府內的「固體垃圾」,除有翻閹的「每周一鑊」之外,同佢不相伯仲(或更廢過周一鑊的)就係那個「廢中之廢」嘅卡片蘇嘞!凡經佢手掂過嘅,無一單好事做過出來。真沒有最PK,只有更PK。

遠的不說,淨係近呢兩個月,卡片蘇的「功績」,便有豪起香港電台新大樓,唔知米貴;又有香港電視發牌搬龍門,令全港師奶心感無電視好戲睇,而一面倒直指香港政府卑鄙下流無能;另因大陸蝗蟲亂港,逼爆港鐵車廂,害得本地港人返工無車搭,估唔到,我哋香港人交稅出糧養佢嘅呢件廢物,竟口水噴噴地寸港人:「無位,咪等下一班囉!」佢毫無工作能力,乾𢭃人工都算罷嘞!仲恬不知恥的好得戚,當香港人無到,咁先嘛!

前日,又一鑊,世界豪華郵輪「瑪麗皇后二號」駕臨香江,逾千旅客落船後,喺斥資八十幾億嘅啟德郵輪碼頭呆等幾小時,竟缺乏的士載走。呢個主管商務及經濟發展的庸廢局長卡片蘇又再一次「人造錄音機」的支吾以對,博大霧過骨,仲話有「定期」同內地旅遊局商討,被議員追問幾耐傾一次、點傾法時,卻口窒窒答唔出,即又講大話囉!

點解香港人咁唔妥政府呢?主因就係廢柴政府內太多這等劣質垃圾庸才囉!要香港人活得開心安樂、無怨氣和諧,其實好簡單,只要政府帶頭源頭減廢,掃走啲弱能垃圾便是!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps